ಆಂಡ್ರಾಯ್ಡ್ ಮೊಬೈಲಿನಲ್ಲಿ “ರ” ಕ್ಕೆ ಒತ್ತಕ್ಷರ ಕೊಡುವ ಬಗೆ

ನಿಮ್ಮದು ಆಂಡ್ರಾಯ್ಡ್ ೫.೦ ಫೋನ್ ಆಗಿದ್ದರೆ, ಬಿಲ್ಟಿನ್ ಕನ್ನಡ ಕೀಬೋರ್ಡ್ ಇರತ್ತೆ. ಅದನ್ನು ಬಳಸಬಹುದು. (೫.೦ ನಂತರದ ಆವೃತ್ತಿಗಳಲ್ಲಿ ಗೂಗಲ್ಲಿನವರು ಬಿಲ್ಟಿನ್ ಕೀಬೋರ್ಡ್ ಮತ್ತು GBoard ವಿಲೀನಗೊಳಿಸಿದರು. ನಿಮ್ಮ ಮೊಬೈಲ್ ಆ ಸ್ಥಿತಿಯಲ್ಲಿದ್ದರೆ, ಮುಂದಿನ ವಿಧಾನ ಬಳಸಿ.)

ನಂತರದ್ದಾದರೆ ಎರಡು ಆಯ್ಕೆಗಳಿವೆ.

೧. Indic keyboard – ಸ್ಥಾಪಿಸಿ, “ಕನ್ನಡ – compact”(*) ಲೇಔಟನ್ನು ಎನೇಬಲ್ ಮಾಡಿ.

೨. ಜಸ್ಟ್ ಕನ್ನಡ app ಸ್ಥಾಪಿಸಿ – “ಕನ್ನಡ – ಮನವಲಸ”(*) ಲೇಔಟನ್ನು ಎನೇಬಲ್ ಮಾಡಿ.

(ಇನ್ನೂ ಅನೇಕ ಗೆಳೆಯರು ಬೇರೆ ಬೇರೆ ಕೀಬೋರ್ಡ್ ಆಪ್ ಮಾಡಿದ್ದಾರೆ, ಅವುಗಳನ್ನೂ ಪ್ರಯತ್ನಿಸಿ)

ಆಗ ಸ್ಪೇಸ್ ಬಾರ್ ಪಕ್ಕದಲ್ಲಿ ನಡುವಲ್ಲಿ ಗೀಟ್-ಗೀಟಾದ ಗೆರೆ ಇರುವ ಕೀಲಿ ಇರುವುದನ್ನು ಕಂಡಿಟ್ಟುಕೊಂಡಿರಿ. ಅದಕ್ಕೆ zero width non joiner = ZWNJ ಅಂತಾರೆ. (ಅದಕ್ಕೊಂದು ಕನ್ನಡ ಪದ ಕೊಡೋಣಂತೆ) ಅದನ್ನು ಗಮನಿಸಿ. ಈಗ ನೀವು ಸೂರ‌್ಯ ಟೈಪಬೇಕಿದ್ದಲ್ಲಿ, ಮೊದಲು ಸೂ ಟೈಪಿಸಿ ಈಗ ಕ್ರಮವಾಗಿ ಈ ರೀತಿ ಟೈಪಿಸಿ.

ರ -> ZWNJ -> ್ -> ಯ = ರ‌್ಯ ಆಗತ್ತೆ.

ZWNJ ಬಳಸದಿದ್ದರೆ

ರ -> ್ -> ಯ = ರ್ಯ ಆಗುತ್ತದೆ.

ಹಾಗೆಯೇ – ಮರ್ಯಾದೆ, ಮರ‌್ಯಾದೆ, ಸ್ಪರ್ಧೆ, ಸ್ಪರ‌್ಧೆ, ಧೈರ್ಯ, ಧೈರ‌್ಯ ಮುಂತಾದ ಪದಗಳಿಗೆ ರೂಪಕೊಡಬಹುದು.

(*) – ಕೊಸರು -> ಕನ್ನಡ – Compact ಮತ್ತು ” ಕನ್ನಡ – ಮನವಲಸ) ಎರಡೂ Inscript ಲೇಔಟಿನ ರೂಪ.

Advertisements

ಅಮೇರಿಕಾದಲ್ಲಿ ಮಾವಿನಹಣ್ಣನ್ನು ತಿಂದದ್ದು

ಮೊನ್ನೆ, ಹೀಗೆಯೇ ಒಂದಷ್ಟು ದಿನಸಿ ಸಾಮಾನು ತರಲು ಹೋಗಿದ್ದೆ. ಇಲ್ಲಿ, ಬೆಂಗಳೂರಿನಲ್ಲಿ ಇರುವ “ಮೆಟ್ರೋ” ಮಳಿಗೆಯ ರೀತಿ “ಕಾಸ್ಟ್ಕೋ” ಎಂಬ ದೊಡ್ಡ ಹೋಲ್ಸೇಲ್ ಮಾಲ್ ಇದೆ. ಇಲ್ಲಿ ಯಾವುದೂ ಕಡಿಮೆ ಪ್ರಮಾಣದಲ್ಲಿ ಸಿಗುವುದಿಲ್ಲ. ಅಮೇರಿಕಾದಲ್ಲಿ, ಅದರಲ್ಲಿಯೂ ನಾನಿರುವ ಕ್ಯಾಲಿಫೋರ್ನಿಯಾ ರಾಜ್ಯದಲ್ಲಿ, ಎಷ್ಟೋ ಹಣ್ಣುಗಳು ಮೆಕ್ಸಿಕೋ ದೇಶದಿಂದ ಬರುತ್ತದೆ. ಸ್ಥಳೀಯವಾಗಿಯೂ ಅನೇಕ ಬಗೆಯ ಹಣ್ಣುಗಳು

ಸಿಗುತ್ತವೆ, ಅನ್ನಿ. ಅಂದು, ಈ ಮಾವಿನಹಣ್ಣು ಕಣ್ಣಿಗೆ ಬಿತ್ತು. ನಾನು ಇಲ್ಲಿಗೆ ಬಂದಾಗಿನಿಂದ ಭಾರತದ ಮಾವಿನಹಣ್ಣನ್ನು ಸವಿಯಲು ಸಾಧ್ಯವಾಗಿಲ್ಲ. ಇಲ್ಲಿನ ಭಾರತೀಯ ದಿನಸಿ ಅಂಗಡಿಗಳಲ್ಲಿ ಬೇಸಗೆಯ ಸಮಯದಲ್ಲಿ ಭಾರತದಿಂದ ಆಮದಾದ ಮಾವಿನಹಣ್ಣುಗಳನ್ನು ಇಟ್ಟಿರುತ್ತಾರೆ, ಆದರೆ ಅದೇಕೋ “ಕೊಳ್ಳಬೇಕು” ಎಂಬ ಮನಸ್ಸು ಬಂದಿಲ್ಲ. “ಒಂದೊಂದು ಕೊಳೆತು ಹೋಗಿರತ್ತೆ”, “No Exchange”, “ಕೆಲವೊಂದು ಸುಕ್ಕಾಗಿರತ್ತೆ”, “ತುಂಬಾ ದಿನ ಆಗಿರತ್ತೆ”, “ರುಚಿ ಅಷ್ಟು ಚೆನ್ನಾಗಿಲ್ಲದಿದ್ದರೆ” — ಏನೋ ಒಂದು ನೆಪ. ಅದೂ ಅಲ್ಲದೆ, ಆಲ್ಫಾನ್ಸೋ ಬಗೆಯ ಹಣ್ಣುಗಳು ಮಾತ್ರವೇ ಸಿಗುತ್ತದೆ. ರಸಪೂರಿ, ತೋತಾಪುರಿ ಮುಂತಾದವು ಸಿಗುವುದಿಲ್ಲ.

ಯಾವುದಕ್ಕೂ ಒಮ್ಮೆ ಇಲ್ಲಿಯ ಹಣ್ಣಿನ ರುಚಿಯನ್ನು ಸವಿಯೋಣ ಅಂತ ಕೊಂಡುತಂದೆ. ಇದರ ಹೆಸರು, ATAULFO. ಆರು ಹಣ್ಣುಗಳಿಗೆ 5.49$. ಭಾರತದ ಮಾವಿನಹಣ್ಣಿನ ರುಚಿಯನ್ನು ಹತ್ತಿಸಿಕೊಂಡವರಿಗೆ ಇದು ಸಪ್ಪೆ ಅನಿಸುತ್ತದೆ. ಆದರೆ ಇಷ್ಟಾದರೂ ಸಿಕ್ಕಿತಲ್ಲ ಅಂತ ಸಮಾದಾನ ಮಾಡ್ಕೊಂಡು ಮುಂದೆ ನಡೆದದ್ದಾಯಿತು.

ಮನೆ ಸಾಗಿಸುವುದರಲ್ಲಿ ನನ್ನ ಕಲಾನೈಪುಣ್ಯತೆ

ಇದನ್ನು ನಾನು ಬರೆದದ್ದು, ಏಪ್ರಿಲ್ ೮ ೨೦೦೬ರಲ್ಲಿ, ಅಂದರೆ ಸರಿಸುಮಾರು ಹನ್ನೆರೆಡು ವರ್ಷಂಗಳ ಹಿಂದೆ, ಸಂಪದದಲ್ಲಿ.

ಉಫ್….ಏನು ಹೇಳಬೇಕೊ ತಿಳಿಯುತ್ತಿಲ್ಲ, ಮತ್ತೊಂದು ಮನೆ ಸಾಗಾಟ/ಬದಲಾಟ ಪ್ರಾರಂಭವಾಗಿದೆ. ನನಗೆ ತಿಳಿವು ಮೂಡಿದಾಗಿನಿಂದ ಇದು ನಾವು ೮ನೇ ಬಾರಿ ಮನೆ ಬದಲಾಯಿಸುತ್ತಿರುವುದು(೪ ಊರುಗಳು). ಸುಮಾರು ಊರೂರು ಅಲೆದು ನಮ್ಮ ಹೆಮ್ಮೆಯ, ಪ್ರೀತಿಯ ಬೆಂಗಳೂರಿನಲ್ಲಿಯೇ (ಹೌದು ಇದು ನಮ್ಮ ಹೆಮ್ಮೆಯ ಬೆಂಗಳೂರು, ಟ್ರಾಫಿಕ್ ಸಮಸ್ಯೆ ಇರಲಿ ಇಲ್ಲದಿರಲಿ) ಬೆರೆತು ಹೋದ ಮೇಲೆ ಇದು ಐದನೆಯ ಬದಲಾವಣೆ. ಏನೇ ಹೇಳಿ ಈ ಮನೆ ಬದಲಾಯಿಸೋದು ಕಷ್ಟವಾದರೂ ಸಹ ಬಹಳ ಮಜಾ ಕೊಡತ್ತೆ, ಆ!!! ನೀವೇ ಸಾಗಿಸಿದರೆ ಮಾತ್ರ, ಆಳುಗಳನ್ನಿಟ್ಟು ಕೊಂಡಲ್ಲ ಮತ್ತೆ.

ಹೀಗೊಂದು ಸಾಮಾಜಿಕ ಕಳಕಳಿ

ಸರ್ಕಾರದ ಒಂದು ಯೋಜನೆಯಿದೆ. http://sw.kar.nic.in/WebPagesKan/co-ordination1kan.aspx

(ಈಗ ಸದ್ಯಕ್ಕೆ, ಆದಾಯ ಮಿತಿಯನ್ನು ತೆಗೆಯಲಾಗಿದೆ, ಅಂತ ಪಬ್ಲಿಕ್ ಟೀವಿಯ ಒಂದು ವರದಿ ಹೇಳತ್ತೆ)

ಪೂರಕ ಓದು – http://publictv.in/centre-offers-rs-2-5-lakh-for-every-inter-caste-marriage-with-a-dalit/

ಹೀಗೆ ಸುಮ್ನೆ, ಯೋಚ್ನೆ ಮಾಡ್ತಾ ಇದ್ದೆ. ನಾನು ಕಡೇ ವರ್ಷ ಪದವಿಯಲ್ಲಿದ್ದಾಗ, “ಎರಡು ಸುಕೋಮಲ ಹೃದಯಗಳು ಪರಸ್ಪರ ಮೆಚ್ಚಿ ಮದುವೆಯಾದರೆ, ಏನಾಗ್ತಾ ಇತ್ತು” ಅಂತ. ಮದುವೆ ಆದ ಗೆಳೆಯ/ಗೆಳತಿಗೆ ಸಬ-ರಿಜಿಸ್ಟ್ರಾರ್ ಆಫೀಸಿನಲ್ಲಿ ವಿಟ್ನೆಸ್ಸ್ ಅಂತ ಸೈನ್ ಮಾಡಿ, ಹೃದಯದಿಂದ ಶುಭಾಶಯ ಕೋರ್ತಾ ಇದ್ವಿ, ಅಷ್ಟೇ !!! ಈಗ ಏನಾದ್ರು ಆಗಿದ್ದಿದ್ದರೆ, ಹೃದಯದಿಂದಷ್ಟೇ ಅಲ್ಲ, ಇನ್ನೂ ಸಿಕ್ಕಾಪಟ್ಟೆ ಹಾರೈಸ್ತಾ ಇದ್ವಿ. ಏಕೆಂದರೆ, ನವದಂಪತಿಗಳ ಮದುವೆಗೆ ನಾವು ಸಹಾಯ ಮಾಡಿದರೆ, ಆ ದೇವರು ನಮಗೆ ಕಡೇಪಕ್ಷ ವರ್ಷಕ್ಕೆ ಹನ್ನೆರೆಡು ಲಕ್ಷದಷ್ಟು ಹಣ ನೀಡುವ ಕೆಲಸವನ್ನಾದರೂ ನೀಡ್ತಾನೆ ಅಂತ 😉

ಹಾಗಾಗಿ, ಸಿಂಪಲ್ ಸಲಹೆ. ಎಲ್ಲರೂ ಪ್ರೀತಿಸಿ, ಮದುವೆ ಆಗಿ, ಅದರ ಜೊತೆಗೆ ಒಳ್ಳೊಳ್ಳೆ ಗೆಳೆಯರನ್ನೂ ಸಂಪಾದಿಸಿ. ಏಕೆಂದರೆ, “ಪ್ರೀತಿ ಮಧುರ, ತ್ಯಾಗ ಅಮರ” , ಅಂತೆಯೇ “ಸ್ನೇಹ ಅತಿ ಮಧುರ, ಸ್ನೇಹ ಅದು ಅಮರ”!!!!

ಪೂರಕ ಓದು –  http://vijayavani.net/beneficiaries-disappointed-inter-caste-marriage-benefits-stay-in-karnataka-state-social-welfare-department-only/

 

ಕಸಿವಿಸಿ

ಆಗ ಎಸ್.ಎಂ ಕೃಷ್ಣ ಅವರಿಗೆ ದೇಶದ ನಂ.೧ ಮುಖ್ಯಮಂತ್ರಿ ಎಂಬ ಹೆಗ್ಗಳಿಕೆ ಬಂದಾಗ ಹೇಗೆ ಸ್ವೀಕರಿಸಿದೆವೋ, ಅದೇ ರೀತಿ ಈಗ ಬೆಂಗಳೂರು ದೇಶದ ನಂ.೨ ಕ್ರೈಂ ಸಿಟಿ ಎಂಬ ಕಟುಸತ್ಯವನ್ನೂ ಹಾಗೆಯೇ ಸ್ವೀಕರಿಸಬೇಕಾಗುತ್ತದೆ.

ಬೇಸರವಾಗುತ್ತದೆ. ನಿಜಕ್ಕೂ ಬೇಸರವಾಗುತ್ತದೆ.

International Frozen Yogurt Day

“ಇಂಟರನ್ಯಾಷನಲ್ ಫ್ರೋಝನ್ ಯೋಗರ್ಟ ಡೇ” !!!! – ಈ ರೀತಿಯ ದಿನವೂ ಇದೆ ಅಂತ ಇದೇ ಅಚಾನಕ್ ಆಗಿ ಗೊತ್ತಾಯ್ತು. ನಾವಿರುವ ತಾವಿನಲ್ಲಿ ಸ್ವಲ್ಪ ಸ್ವಲ್ಪವೇ ಚಳಿ ಕಡಿಮೆಯಾಗುತ್ತಿದೆ. ಹಾಗೆಯೇ, ಸಂಜೆ ಆರರ ತನಕ ಬೆಳಕು ಇರತ್ತೆ. ಹಾಗಾಗಿ, ನಮ್ಮ ಮಗುವಿಗೆ ಮೊದಲ ಬಾರಿ, ಯೋಗರ್ಟ್ ಕೊಡಿಸೋಣ ಅಂತ ಕರೆದುಹೋದೆ.

ಇಲ್ಲಿ, ಮಕ್ಕಳಿಗೆ ಐ-ಸ್ಕ್ರೀಂ ಬದಲಿಗೆ ಹೆಚ್ಚಿನ ತಾಯಿ-ತಂದೆಯರು ಫ್ರೋಝನ್ ಯೋಗರ್ಟ್ ಕೊಡಿಸುತ್ತಾರೆ. ಫ್ರೋಝನ್ ಯೋಗರ್ಟಿಗೆ ಬೇರೆ ಬೇರೆ ಹಣ್ಣಿನ ರುಚಿ ಹತ್ತಿರಸಿರುತ್ತಾರೆ. ಮಾವು, ತೆಂಗಿನಕಾಯಿ, ಪೈನಾಪಲ್, ವೆನಿಲಾ, ಚಾಕೋಲೇಟ್, ಓರಿಯೋ ಹೀಗೆ.

ಹೇಗಿದ್ದರೂ, ಶಾಲೆಯಿಂದ ಕರೆದುಕೊಂಡು ಬರಬೇಕಿತ್ತು. ಶಾಲೆ ಬಿಟ್ಟ ನಂತರ, ಮಗುವಿಗೆ ಈ ದಿನ, ಈ ಯೋಗರ್ಟ್ ಕೊಡಿಸೋ ನೆಪದಲ್ಲಿ “ನಾನೂ ಸ್ವಲ್ಪ ತಿನ್ನೋಣ” ಎಂಬ “ಬ್ರಿಲಿಯೆಂಟ್ ಐಡಿಯಾ” ಮಾಡಿ ಅಂಗಡಿಗೆ ಹೊರಟೆ. ಕಾರನ್ನು ಪಾರ್ಕಿಂಗ್ ಲಾಟಿನಲ್ಲಿ ನಿಲ್ಲಿಸಿ, ಯೋಗರ್ಟ್ ಅಂಗಡಿಯತ್ತ ಹೆಜ್ಜೆ ಹಾಕಿದರೆ, ಅಲ್ಲಿ “ದೊಓಓಓಓಡ್ಡ ಕ್ಯೂ”. ಏನಿದು, ಬಹುಶಃ ನಾನು ಯೋಚಿಸಿದಂತೆಯೇ ಎಷ್ಟೋ ಅಪ್ಪ-ಅಮ್ಮಂದಿರು “ಚಳಿ ಮುಗಿಯುತ್ತಿರುವ ಕಾರಣ ಮಕ್ಕಳಿಗೆ ಯೋಗರ್ಟ್ ಕೊಡಿಸೋಣ ಅಂತ ಕರೆದುಕೊಂಡು ಬಂದಿರಬೇಕು” ಅಂತ ಬಗೆದು ಸರದಿನಲ್ಲಿ ಇವನ ಸಮೇತ ನಿಂತೆ. ಆಮೇಲೆ ನನ್ನ ಮುಂದಿದ್ದ ಮತ್ತಿಬ್ಬರು ಹುಡುಗರು, ಐಸ್ಕ್ರೀಂ-ಯೋಗರ್ಟ್ ವಿಚಾರವಾಗಿ ಏನೋ ಮಾತಾಡುತ್ತಿದ್ದರು. ನಾನೂ ಅವರೊಡನೆ ಕಲೆತು ಮಾತನಾಡುತ್ತಿದ್ದಾಗ, ಅದೇನೋ ಈ ದಿನ “ಯೋಗರ್ಟ್ ಇಲ್ಲ” ಎಂದ ಹಾಗಾಯಿತು.

What !!! ಅಂತ ನಾನು ಆಶ್ಚರ್ಯ ಚಕಿತನಾಗಿ, Is there is no yogurt today, ಅಂತ ನಾನು ಕೇಳಿದರೆ,

NOO!!! How can it be possible ? Today is International Yogurt Day!!! We get Free Yogurt ಅನ್ನೋದೇ !!!!

“ವಾವ್, ಸೂಪರ್ ಅಂದ್ಕೊಂಡು, ನಾನೊಂದು ಕಪ್, ಮಗುವಿಗೊಂದು ಅರ್ಧ ಕಪ್ ಕೊಟ್ಟು, ಇಬ್ಬರೂ ಯೋಗರ್ಟ್ ಸವಿದು ಮಗುವಿನ ಅಮ್ಮನನ್ನು ಕರೆದುಕೊಂಡು ಬರಲು ಹೊರಟ್ವಿ ” ಎಂಬುವಲ್ಲಿಗೆ ಇಂಟರನ್ಯಾಷನ್ ಫ್ರೋಝನ್ ಯೋಗರ್ಟ್ ಡೇ ಪುರಾಣವು ಪರಿಸಮಾಪ್ತಿಯಾದುದು. ಅದೇ ರೀತಿ, “ಇಂಟರನ್ಯಾಷನಲ್ ನ್ಯೂಟೆಲ್ಲಾ ಡೇ” ಅಂತಲೂ ಇದೆಯಂತೆ.

ಫ್ರೆಂಚ್ ವಿದ್ವಾಂಸರಿಂದ ಭಾರತ ಸಾಹಿತ್ಯ ವಿಶ್ವಕೋಶ ರಚನೆ

http://www.prajavani.net/news/article/2018/02/03/551545.html